شاراعا قاتىسقان ءوڭىردىڭ باسشىسى نۇرلان نوعايەۆ سپورتشىلارعا ساتتىلىك جانە الەمدىك ارەنالاردا جاڭا جەڭىستەر تىلەدى.

– پرەزيدەنتتىڭ تاپسىرماسى بويىنشا ەلىمىزدە سپورتتى دامىتۋ ءۇشىن بارلىق جاعداي جاسالىپ جاتىر. ءبىزدىڭ وڭىرىمىزدە وسى سالانى قولداۋ ماقساتىندا ءتۇرلى شارالار وتكىزىلۋدە. قالا مەن اۋدانداردا جاڭا سپورت كەشەندەرى سالىنىپ جاتىر، كۇردەلى جوندەۋ جۇرگىزىلۋدە. بۇگىنگى كۇنى وبلىس تۇرعىندارىنىڭ 32 پايىزى سپورتپەن بەلسەندى اينالىسادى. ءبىز سىزدەردىڭ جەڭىستەرىڭىزدى ماقتان تۇتامىز جانە ولاردىڭ نەعۇرلىم كوپ بولعانىن تىلەيمىز، – دەدى ءوڭىر باسشىسى.​ ​ ​ ​ ​ ​

سالتاناتتى شارا بارىسىندا سپورت ارداگەرلەرى، باپكەرلەر جانە ءبىرقاتار سپورتشىلار العىس حاتتارمەن ماراپاتتالدى. تحەكۆوندودان ق ر ەڭبەگى سىڭگەن شەبەرى، پەكيندەگى جازعى وليمپيادا ويىندارىنىڭ قولا جۇلدەگەرى ارمان چيلمانوۆ قۇرمەتتى قوناق رەتىندە قاتىستى.

ايتا كەتەيىك، ءبىرىنشى جارتىجىلدىقتا وبلىستا 750-گە جۋىق سپورتتىق شارا ءوتتى. 2018 جىلى اتىراۋ وبلىسىنىڭ سپورتشىلارى رەسپۋبليكالىق جانە حالىقارالىق جارىستاردا 1200 مەدال جەڭىپ السا، 2019 جىلدىڭ باسىنان بەرى اتىراۋلىقتار ءتۇرلى دەڭگەيدەگى جارىستاردا 800 مەدالگە يە بولدى.

مەرەكەلىك شارا كونسەرتپەن اياقتالدى. ​ ​ ​ ​ ​ ​